Бебе што што тежело 450 грама денес е прекрасно 2-годишно девојче (фото)

„Ја родив во шестиот месец од бременоста, беше премала, не смеев да ја допирам, шансите за преживување беа само 10%...“

Франческа Вуд во 26-тата недела од бременоста се нашла во локва крв, таа се породила предвреме и ја родила малата Идан.

Бебето тежело само 450 грама, имало недоразвиени бели дробови и шансата за преживување му била само 10 проценти.

Но, бебето родено во шестиот месец успеало да преживее со помош на медицинската грижа и сега е прекрасно и среќно 2-годишно девојче.

„Беше многу страшно искуство да се породите 3 месеци предвреме и постојано да сте опкружени со доктори. Но, немав опција освен да им верувам дека ќе ја спасат мојата ќерка. Беше родена со царски рез и докторите дури ја сликаа во случај да не преживее.

Но, за чудо таа се избори и сега е прекрасно девојче без здравствени проблеми“, вели 30-годишната Франческа.

Запознајте го девојчето мал борец:

С. С. | Црнобело