Колку пари троши просечната невеста за свадбен фустан?

Невестинските фустани се скапи, но според едно ново истражување, дамите сè почесто се расположени да потрошат многу помалку отколку што би очекувале.

Според новото истражување направено од интернет страната Lyst просечната невеста сака да потроши околу 998 долари (931 евро) на нејзиниот фустан. Тоа сè уште звучи како многу пари, но е далеку помалку од просечната вредност на фустаните (околу 10.000 долари, односно 9.332 евра).

Од оваа интернет страна исто така, откриваат дека дури 30% повеќе дами се одлучуваат да носат нешто неконвенционално како комбинезон, панталони...

Овој тренд стана модерен откако Соланж на својата свадба во 2014-та година облече комбинезон.

Во случај да сте потрадиционални и сакате да носите фустан ва вашиот голем ден, сега постојат помалку скапи опции, односно фустани кои можете да ги купите онлајн, секако, треба да внимавате добро од каде нарачувате.

Н. Г. | Црнобело