Модни додатоци за коса кои совршено го комплетираат невестинскиот изглед

Најдоброто нешто во врска со додатоците за коса е тоа што тие навистина го комплетираат вашиот невестински изглед, особено ако се одлучите за едноставен накит и чевли коишто нема да се гледаат под вашиот фустан.

Без разлика дали сте модерна или традиционална невеста, додатоците за коса се категорија којашто не треба да се занемари, тие во основа претставуваат накит за вашата коса.

Во продолжение за вас ги издвоивме најбараните тренд-додатоци за 2021 година кои сосема ќе го освежат вашиот невестински изглед:

Букет цвеќе во вашата коса

Букетот од вашите раце ќе се „пресели“ во вашата коса. Без разлика дали станува збор за крупни или ситни цвеќиња и дали тие ќе се протегаат низ целата коса, или пак ќе бидат во улога на венец, природните цвеќиња оваа сезона се тотален „ин“.

Понесете дел од вашата градина во својата коса и изгледајте инспиративно, современо и романтично.

Дијадеми и венчиња со бисери

Раскошните венчиња со бисери, циркони и монистри во однос на класичните дијадеми изгледаат доста поелегантно и помалку претенциозно, а сепак додаваат стилски и гламурозен „шмек“.

Панделки за коса

Панделките за коса можат да се носат на повеќе начини, а воедно да делуваат уредно и класично.

Тие имаат улога да ја држат косата затегната, а таа сепак да изгледа лежерно и нежно.

Панделката може да биде мала или голема, чипкана или свиленкаста, бела или кремаста, или пак во која било боја, големина или материјал кои вие ќе ги замислите.

Круна во вид на плетенка

Богатите плетенки кои се украс на главата навистина наликуваат како круна, делуваат „ретро“ и сосема женствено.

Идеално е плетенката да биде природна, односно од вашата сопствена, бујна и долга коса.

Ова е одличен избор за свадбена фризура, особено бидејќи невестите треба да го „поседуваат“ подиумот, така што нивната коса ќе биде соодветно стационирана.

„Богати“ венци за комплетен изглед

При изборот на совршен додаток за коса, не заборавајте да размислите колку е важна текстурата на истиот.

Без разлика на видот на деталите, таканаречените венци без сомнеж се вистинскиот избор и со години се „број 1“ кога станува збор за невестинската естетика.

Дополнително, додатоците за коса со богата текстура секогаш се истакнуваат на фотографиите.

Мила М. | Црнобело