Козметичарка од Мелбурн прави нокти со луди 3Д дезени: „Некогаш ми одземаат и по 14 часа“ (фото)

Млада козметичарка од Мелбурн е препознатлива по лудите 3Д дезени на нокти, а вели дека за најкомплексниот ѝ требале дури 14 часа да го направи.

Популарноста на вештачките нокти нема да се намали во блиска иднина, а козметичарите што ги изработуваат некогаш се и вистински уметници.

Сепак, потребен е талент за да се исцртаат дезените што ги сакаат нивните клиенти.

Козметичарка од Мелбурн оди и чекор понатаму – покрај „нормалните“, таа изработува и детални 3Д дезени кои се како минијатурни скулптури од акрил.

27-годишната Лиса Ким почнала да прави нокти во 2022 година и набрзо сфатила дека ќе треба да понуди нешто уникатно ако сака да се пробие на пазарот.

Па, почнала да експериментира со 3Д дезени.

„Кога првпат почнав да правам нокти, сакав да станам позната по лудите дезени. И, работев многу за да стигнам дотука.

Не сакам да бидам позната по едноставни и монотони дезени, сакам да ги шокирам луѓето“.

Бидејќи почнала да експериментира со дезените за време на локдаунот, вели, можела повеќе да се посвети на хобито кое сега ѝ е професија.

За ноктите наплаќа околу 150 евра, па и повеќе во зависност од дезенот, и потребни ѝ се околу два и пол часа.

Но, за комплексни дезени, треба да одвои и по 14 часа.

Бидејќи дезените одземат многу време, Лиса во просек има само две клиентки неделно.

Таа држи и курсеви за правење нокти, а има и Инстаграм профил со речиси 80.000 следбеници.

Дел од ноктите што ги направила Лиса:

Продолжува на следната страница...