Четири грешки со кои си го уништувате гелниот маникир (и вашите природни нокти)

Откако целосно ќе ги извадите гелните нокти, не правите пауза и ги користите ноктите како алати.

Гелниот (како и акрилниот) маникир е идеално решение ако сакате средени нокти, но немате време да се лакирате преку еден ден.

Но, само затоа што овој маникир е траен, не значи дека треба да ја занемарите грижата за него.

Четири грешки со кои го уништувате не само гелниот маникир, туку и вашите природни нокти:

Не им давате одмор на ноктите

Честото ставање и отстранување на гелни или акрилни нокти со текот на времето може да ги оштети вашите природни нокти.

Добрите вести се дека ноктите самите се регенерираат, но мора да им дадете можност за тоа.

Ако само ги дополнувате гелните нокти на делот каде што се пораснати, тогаш е во ред и да не правите пауза.

Но, ако целосно ги отстранувате, па ставате нови, тогаш почекајте недела-две до следниот третман за ноктите да се регенерираат.

Пробувате да ги отстраните сами

Никогаш не треба сами да пробувате да ги отстраните гелните нокти.

Можеби ќе успеете, но можете и многу да ги оштетите вашите природни нокти.

Ова секогаш правете го кај професионалец.

Не користите масло за нокти

Само затоа што гелниот маникир е траен, не значи дека треба целосно да ја заборавите негата на ноктите.

Препорачливо е да користите масло за потхранување нокти.

Маслото можете да го нанесете на кутикулите, па ќе ги хидрира и зајакне вашите приодни нокти одвнатре.

Ако правите пауза помеѓу третмани, тогаш нанесувајте го маслото секојдневно, по должината на целиот природен нокт.

Ги користите ноктите како алати

Долгите нокти може да изгледаат како корисен алат, на пример за да потфатите или да отворите нешто. Но, со ова ги оштетувате.

Со тегнењето нема да ги оштетите само гелните нокти, туку создавате непотребен притисок и на вашите природни.

А, ова некогаш може да биде и болно.

Спирова С. | Црнобело