Пет застарени трендови за маникир кои изгледаат кич

Многу кристали и неонски бои – трендови за маникир кои некогаш беа хит, но сега изгледаат застарено, па и евтино.

Трендовите за маникир се менуваат можеби и побрзо од другите трендови, но некои сепак доминираат со години.

Обично минливи се трендовите кои се нападни, непрактични и кои е тешко да се искомбинираат со облека.

Секако, за вкусови не се дискутира, но некои трендови за маникир, од денешна перспектива изгледаат навистина лошо.

Пет застарени трендови кои е подобро да ги избегнувате:

Нокти со многу кристали

Иако трендовите од 2000-тите се враќаат, ноктите украсени со многу кристали и слични декорации сепак се избегнуваат бидејќи делуваат нападно и кич.

Ако сакате нешто светкаво, подобро украсете само еден нокт или на секој нокт ставете по еден мал кристал.

Многу долги и остри нокти

Многу долгите и остри нокти не се најпрактични, па ретки беа оние кои се одлучуваа за ваков маникир.

Сега нивната популарност се намалува уште повеќе и предност им се дава на пократките нокти.

Неонски бои

Пред 10-тина години, неонските бои беа вистински хит. Стануваат популарни и периодов, но не и за маникир.

Неонските нокти се премногу нападни, а и предизвик е да ги искомбинирате со облека.

Геометриски форми со многу бои

Суптилните геометриски дезени можат да изгледаат добро, но само ако не се направени со многу бои.

Дезените во форми и неколку бои делуваа дури и евтино.

Ако сакате ваков маникир, многу подобро изгледаат минималистички дезени со една боја, на нокти со неутрална боја.

Транспарентен француски маникир

Проѕирниот француски маникир беше популарен, но е тренд што брзо изумре.

Изглед малку чудно, а и ваквите нокти бараат многу одржување и не се најпрактични.

Спирова С. | Црнобело