Хејли Бибер ја покажа новата фризура – тренд што ќе доминира во 2026-та

Фризерката на Хејли Бибер објави фотка од нејзината потстрижена коса, а со тоа таа го најави трендот за 2026-та. Следната година ќе доминира краткиот лоб, со степен и шик носа, наместо класичен изглед. 

Хејли Бибер пред самиот крај на годината си го освежи изгледот со потстрижување на косата, а со тоа суптилно го најави и трендот за 2026-та.

Пред неколку години таа направи „бум“ со кратката боб фризура, а сега повторно ѝ се врати на кратката коса која продолжува да доминира, но не класична.

Овој пат станува збор за помодерен боб, или лоб со степен и пошик начин на стилизирање.

Во 2026-та потстрижувањето со степен ќе биде вистински хит, а Хејли отиде чекор понапред, па тоа го направи и на пократка коса.

Нејзината фризерка пред неколку дена објави фотографија од неа на фризерско столче и напиша: „Чоп чоп (звук на ножици). Тазе потстрижена коса за Хејли Бибер“.

Во коментари многумина пишуваат дека должината ѝ е совршена и дека го обожаваат тоа што не е прекратка, ниту долга, а притоа има природен и елегантен изглед.

М. М. | Црнобело