Стоматолозите откриваат: Трикови за чисти и бели заби без да користите четка

Постојат многу едноставни трикови кои ќе ви помогнат да ја сочувате белината на вашите заби, дури и ако во моментот немате четка за заби со вас.

Овие работи се препорачани од стоматолозите, а многу од нив и самите ги користат.

Грицкајте сирење, а не овошје

Утринската доза на овошје изгледа како одлична идеја, но не и за вашите заби. Дури и една чаша чај со шеќер може да ви наштети, затоа наместо тоа консумирајте сирење со кое ќе го зачувате здравјето на забите.

Јагодите ги избелуваат забите

Истражувањата покажале дека јагодите имаат својство на природен избелувач за заби. Но, сепак не претерувајте со нивното консумирање, бидејќи и тие содржат шеќери.

Секој ден користете конец

За да ги убиете бактериите потребно е еднаш дневно да користите забен конец. На тој начин ќе ги отстраните остатоците од храна и ќе ги заштитите вашите заби.

Не ги мијте забите 1 час после чаша вино

Луѓето често ги мијат своите заби веднаш откако ќе испијат вино, но тоа е погрешно. Комбинацијата на вино и паста за заби може да ги уништи забите. Затоа, почекајте барем 1 час.

Платненото марамче е одлична идеја

Дали некогаш сте ги миеле забите со прст, бидејќи сте си ја заборавиле четката? Подобра опција е чисто платнено марамче замотано околу прстот. Идеално би било на него да додадете и малку паста за заби.