Славни жени кои гордо ги покажуваат своите стрии

Иако сме навикнати да ги гледаме во совршено издание, секогаш перфектно средени и нашминкани, како да носат инстаграм филтер со нив каде и одат, сепак ни тие како и сите жени, не се отпорни на природата. 

Еве неколку славни личности, кои ги обожаваме и изгледаат прекрасно, а и тие се борат со истите проблеми кои ги има секоја жена:

1. Каручи Трен

Поранешната девојка на Крис Браун, која е модел, објави фотографија од својот задник полн со стрии. Таа изјави: „Ова сум јас, имам мал задник полн со стрии. Нема ништо лошо во тоа какви нè создал Бог.”

 

2. Криси Тајген

Самоуверена во сè што прави, Криси Тајген гордо ги покажува стриите на нозете. Стриите можат да се појават на сечие тело, па дури и на долгите, совршени нозе на Криси.

3. Џордан Дан

Сите очекуваме моделите на Victoria's Secret да немаат никакви недостатоци, меѓутоа и тие не се отпорни на женската природа. Таа објави фотографија со моделот Кара Делевињ, со цел да се пофали за нивните исти тетоважи, но освен тоа, јасно се гледаат и нејзините стрии.

4. Искра Лоренс

Плус сајз моделот промовира посебен вид на позитивност со нејзиното тело. Таа на нејзините 3 милиони следбеници им кажа: „Не ги фотошопирав моите стрии, мојот целулит, ниту вишокот на мојот грб, затоа што ова е моето тело и го сакам затоа што е вистинско.”

5. Јасмин Тукс

Моделот со прекрасно тело, оваа година го носеше скапиот градник на Victoria's Secret, но на фотосесијата ги остави своите стрии без да ги покрива со Фотошоп.

6. Робин Ловли

Моделот Робин Ловли објави на Фејсбук емотивно писмо за нејзините стрии, после навредувачка статија која беше објавена за неа во еден британски магазин. Таа за нејзините стрии вели: „Ова се моите тигрести шари и јас ги заслужив.”

А. В. | Црнобело