За блескава насмевка: 7 начини да ги избелите забите во домашни услови

Сите посакуваме да имаме „холивудска“ насмевка која ќе блеска и ќе привлекува внимание.

Но, ретко кој може да си дозволи често избелување на забите кај стоматолог.

Сепак, постојат неколку алтернативни начини со кои забите може да станат побели, во домашни услови.

Можеби нема да го има истиот ефект, но вреди да се проба.

Одберете еден и проверете дали и вашите заби ќе блеснат со бел сјај:

Активен јаглен

Ова е еден од најевтините и наједноставните методи. Доволно е да искршите една таблета, посипете врз четкичката за заби, потопете ја малку во вода и исчеткајте ги забите.

Млеко во прав и паста за заби

Употребата на млеко во прав не само што ќе ви ги побели забите, туку ќе ги направи и посилни. Ставете паста за заби на четка и одозгора истурете малку млеко во прав. Потоа најнормално исчеткајте ги забите.

Сода бикарбона и сок од лимон

За овој метод на избелување, потребно е да посипете прстофат сода врз четката и потоа да исцедите неколку капки сок од лимон одозгора. Со оваа мешавина исчеткајте ги забите. Но запомнете, овој метод не треба да го користите повеќе од еднаш во неделата.

Морска сол, сок од лимон и паста за заби

Во мал сад измешајте пола лажица морска сол и свежо исцеден сок од лимон со мала количина на паста за заби. Оваа мешавина оставете ја 1 минута на забите и потоа исплакнете ја устата.

Сок од лимон и вода

Мешавина од еднаква количина на вода и сок од лимон не само што ќе ви ги избели забите, туку и ќе ја дезинфицира усната празнина.

Јаболков оцет и вода

Разредете пола лажица оцет во 1 чаша вода. Со оваа мешавина можете да ја плакнете устата секое утро пред да ги измиете забите со четка и паста.

Јагоди

Доволно е да направите каша само од 1 јагода и да ја искористите како паста за заби на четка.

Запомнете: Овие методи не треба да ги користите сите во исто време, не треба да ги правите секојдневно и не се обидувајте да ги избелите сами забите ако имате сериозни проблеми со нив.

М. М. | Црнобело