За топлите денови – направете си спреј за фиксирање на шминката

За шминката да не ви се растопува по лицето во топлите денови, направете си го овој домашен спреј и носете си го во чанта за фиксирање на шминката на лице.

Овој спреј ја хидрира кожата и е добар за секакви типови кожа, а истовремено ќе ви биде сојузник во топлите денови.

На кожата ќе ви остави блескав финиш благодарение на природните состојки, а шминката ќе ви остане на лицето фиксирана цел ден и притоа ќе изгледате природно и свежо.

Потребно ви е:

• Стаклено шишенце со спреј, 120ml
• Мала инка
• 2 лажици вода од роза или 2 лажици вода од краставица
• 1 лажица филтрирана вода
• 1 лажица гел алое вера
• ½ лажица билен глицерин
• 2 капки есенцијално масло по желба
• По желба може да додадете и роза или краставица

Подготовка:

Со помош на инката истурете ги сите состојки во шишенцето, затворете со капаче и протресете за добро да се измешаат.

Откако ќе нанесете шминка, држете го шишето на растојание од 12cm од лицето и нежно шприцнете 2-3 пати на повеќе места.

Оставете спрејот малку да се исуши без да го допирате лицето. Смесата чувајте ја во фрижидер до две недели максимум.

М. М. | Црнобело