Исцртани веѓи и уште 11 застарени трендови за шминкање кои е време да ги замените со нови

„Зачадени“ очи со многу темна сенка

Ако не сте многу вешти во шминкањето, избегнувајте ги црните сенки кога сакате зачадени очи. Темните сенки можат визуелно да ви ги намалат очите, а доволно е да направите една мала грешка за шминката да изгледа размачкано. Наместо тоа, употребувајте сенки со поприродни и топли нијанси.

Туш за очи

Тушот секогаш ќе биде хит, но избегнувајте да цртате дебели и предолги линии, фокусирајте се на понежни, не толку обоени очи.

Всушност, има многу простор за експериментирање кога станува збор за ајлајенрот – користете поживи бои, наместо горниот исцртајте го долниот капак, експериментирајте со формата на линијата и слично.

Бронзер под јаболкниците

Избегнувајте да нанесувате темен бронзер или руменило под јаболкниците, особено ако не сте вешти во контурирањето. Ќе изгледате многу подобро ако нанесете нежно руменило или бронзер на јаболкниците.

Многу светли кармини

Никогаш нема да погрешите со неутрален кармин, но внимавајте да не биде посветол од бојата на вашата кожа. Премногу светлиот кармин ќе направи вашите усни да изгледаат „безживотно“, па секогаш одбирајте нијанса што е барем малку потемна од вашата кожа.

Вештачки трепки

Ако сакате бујни трепки, немојте да ставате огромни вештачки трепки. Сосема доволно е да искористите виткач за трепки и да нанесете малку маскара. Ако сепак сакате вештачки трепки, одберете некои кои изгледаат поприродно.

Тетовирани/цртани веѓи

Освен ако навистина имате потреба да ги тетовирате веѓите, најдобро избегнувајте го овој тренд. Тетовираните веѓи не изгледаат природно, а со текот на времето нивната боја ќе избледи и ќе добијат сосема друга нијанса. Ако вашите веѓи се ретки, искористете малку сенка или моливче за да ги пополните и ќе изгледате многу подобро.

Сепак, доколку сепак се одлучите за тоа, денес има многу нови техники, па обидете се да најдете професионалец кој ќе ви помогне тоа да не изгледа смешно на вас.

Спирова С. | Црнобело