Мапа со виолетови медузи во Грција + зошто се опасни и што треба да правите ако ве опече?

Иако виолетовите медузи се тешки за забележување, најчесто може да ги препознаете по тоа што имаат „шапка“, четири главни и осум помошни пипала, а препознатливи се по виолетовата боја. Вообичаено се со големина од 6-10cm.

Кога се млади виолетовите медузи имаат портокалово-кафеава боја, а со созревањето таа се менува.

mapa-na-grcija-kade-ima-violetovi-meduzi-shto-treba-zadolzhitelno-da-ponesete-so-sebesi-na-plazha-i-shto-da-napravite-po-ubod-04.jpg

Здравствените служби во Грција објавија листа на работи што задолжително треба да ги понесете со себеси, доколку одите на плажа, која вклучува:

Пластична картичка (стара кредитна картичка или сл.);
Пинцета;
Мала чашка (слична на онаа за примерок од урина);
Малку сода бикарбона (во сооднос 1:1 со морска вода);
Лекови против алергии;
Крем со кортизон.

Доколку имате ненадејна блиска средба со виолетова медуза, се препорачува да ги направите следните чекори:

Местото на изгореницата веднаш да се измие со триење со морска вода;
Доколку имате сода бикарбона со себеси, добро е да го мачкате местото со раствор од сода и морска вода (во размер 1:1) во траење од околу 2 минути со цел да се спречи понатамошно ширење на отровот доколку на местото останал дел од пипалата на медузата;
Со пластичната картичка треба да се иструга остатокот од сода бикарбона, а со пинцета да се извадат остатоците од пипала на местото на убодот;
На местото на изгореницата се препорачува да се стави мраз завиткан во ткаенина околу 5 до 15 минути, а можете слободно да искористите и некој леден пијалак, ќеса со замрзнат производ и слично;
Доколку болката не поминува, потребно е повторно да се стави мраз во период од 5 до 15 минути;
Доколку болката и понатаму не запира потребно е веднаш да се посети лекар;
Местото на изгореницата треба да се завитка цврсто со завој и во никој случај не смее на него да се нанесува оцет, свежа вода, алкохол или амонијак.

Детално упатство на фотографијата:

mapa-na-grcija-kade-ima-violetovi-meduzi-shto-treba-zadolzhitelno-da-ponesete-so-sebesi-na-plazha-i-shto-da-napravite-po-ubod-05.jpg