„Се чувствувам безнадежно“ – 7 начини како да си помогнете со депресијата

Кога чувството на тага и негативните мисли упорно остануваат во вашата глава, кога чувствувате безнадежност, умор, недостиг од апетит, намален интерес за работите кои претходно ги обожававте... Тогаш мора да преземете нешто.

Сосема нормално е во животот да имате добри и лоши денови и чувство на тага кое доаѓа и си оди.

Но, кога ова чувство и негативни мисли упорно остануваат во вашата глава, кога чувствувате безнадежност, умор, недостиг од апетит, намален интерес за работите кои претходно ги обожававте, тогаш можно е да станува збор за депресија.

Сепак, не грижете се, не сте сами, многу луѓе минуваат низ истото.

Што да направите и како да си помогнете?

Прво, зборувајте со некого

Ова е најважно, и не го сметајте за чувство на слабост. Обратете се на некој на кој му верувате и кажете му низ што минувате.

Ако не можете во лице, сторете го тоа преку пораки или телефонски.

Движете се

Најверојатно да бидете активни е последната работа која ви паѓа на ум, но морате, тоа е најлесен начин за да го подобрите расположението.

Кратка 15-минутна прошетка или возење велосипед и веднаш ќе имате повеќе енергија во наредните неколку часа.

Обидете се да влијаете на своите мисли

Можеби имате моментално проблеми, но потсетете се себеси да не си приредувате дополнителна доза на стрес со мислите како: „Јас сум губитник, сите мислат дека сум губитник, никогаш нема да успеам.“

Пронајдете надеж

Природно е да ги обвинувате животните околности, особено во тешките мигови, но потребно е да пронајдете надеж и да се фокусирате на убавите аспекти од вашиот живот.

Некој пријател може да ви помогне во тоа да бидете подобри кон самите себе и да не ги прогнозирате само најмрачните сценарија.

Дадете си смисла на вашиот ден

Фокусирајте го умот на сегашниот миг, без грижи за иднината и каење за минатото. Завршете некоја домашна обврска, медитирајте, уживајте во омиленото парче торта.

Вежбајте благодарност

Кога сте депримирани, сè во животот ви изгледа црно и безнадежно, но и во најмрачните мигови сигурно постои една работа за која можете да бидете благодарни – убавината на зајдисонцето, чувството на ветер на лицето или телефонскиот повик од најдобриот пријател.

Вежбајте благодарност за малите работи во животот.

Не заборавајте на дневната доза сончева светлина.

Сончевите зраци секогаш го подобруваат расположението, затоа не заборавајте да излезете барем малку на сонце.

С. С. | Црнобело