10 корисни кујнски трикови што треба да ги знаат сите домаќини и домаќинки

Како правилно да скршите јајце?

За да го избегнете паѓањето на лушпата во скршеното јајце, немојте да го кршите од остри рабови.

Наместо тоа, скршете го од рамната површина на масата.

Како да го спасите овенатиот зеленчук?

Ако марулата, краставиците и слично изгледаат малку овенато, но не се скапани, не мора да ги фрлате.

Зеленчукот е само дехидриран, па доволно е да го ставите да отстои во сад со вода.

Како да ја исчистите загорената тава?

Најпрво во тавата зовријте мешавина од оцет и вода. Кога ќе зоврие, истурете ја смесата, па ставете сода бикарбона и нежно истријте ја тавата со сунѓер или жичка.

Сепак, ако станува збор за многу загорена тава, овој трик нема да ви помогне и најверојатно ќе треба да купите нова.

Како темелно да ја исчистите даската за сечење?

Поради вдлабнатините од ножот, на даската за сечење лесно се акумулираат нечистотии. Но, лесно можете да ги отстраните со лимон и сол.

Ставете слој сол врз тавата и со кружни движења истријте ја со половина лимон.

Оставете да отстои неколку минути, па измијте ја како вообичаено.

Препорачливо е да го правите ова еднаш месечно или секојпат кога на даската има мирис од храна што не се отстранува.

Како најбрзо да го омекнете путерот?

Ако ви треба мек, а не стопен путер, не мора да чекате да омекне на собна температура.

Едноставно, можете да го изрендате.

Спирова С. | Црнобело