Валкани штекери и уште 9 ситници поради кои домот ви изгледа неуредно во очите на гостите

Дамки од бигор на чешмата, расфрлани шминки и овенато цвеќе – постојат ситници на кои самите не обрнуваме многу внимание, но дефинитвно им „бодат очи“ на гостите.

Кога очекуваме гости, без разлика колку ни се блиски, сакаме да оставиме добар впечаток.

Но, кога го средуваме домот пред да дојдат, се случува да заборавивме некои ситници.

Кoи ситници прават домот да ви изгледа неуредно во очите на гостите?

Валкано огледало

Во бањата, дамките од вода на огледалото се дефинитивно забележливи.

Но, истовремено, многу се познава и кога само набрзина ќе го забришете огледалото – се гледаат траги од крпата, а голема е веројатноста да ви остане и средство.

Па, потрудете се темелно да ги исчистите огледалата во домот пред да ви дојдат гости.

Дамки од бигор на чешмата

Не мора темелно да ја чистите бањата, но потрудете се барем да нема дамки од бигор на чешмите.

Дури и ако останатиот дел од бањата блеска, овој детаљ прави да изгледа валкано.

А, за да ги исчистите, ќе ви требаат едвај пет минути.

Овенато цвеќе

Без разлика дали станува збор за букет или цвеќе во саксија што сте го запоставиле, овенатото цвеќе секогаш го грди просторот.

Валкани кабли и штекери

Факт е дека неретко ги забораваме штекерите и каблите кога го чистиме домот. Но, бидејќи ги користиме секојдневно, тие се навистина валкани.

Пред да ви дојдат гости, одвојте 10-тина минути да ги исчистите штекерите и каблите. Добро би било да ги исчистете и прекинувачите за светло.

Разнишан стол или маса

Ако имате разнишан стол, не дозволувајте гостите да седат на него.

Ако проблемот е во масата, пробајте да ја стабилизирате пред да дојдат гостите.

Седењето на разнишан мебел не е воопшто пријатно.

Продолжува на следната страница...