Валкани предмети во домот кои сите забораваме да ги исчистиме

Фиоката од машината за перење облека, листовите на растенијата, како и вентилаторот во бањата се места во домот кои лесно се валкаат, но повеќето забораваме да ги чистиме редовно.

Веруваме дека редовно бришете прашина, ги метите подовите и слично, но дали обрнувате внимание на сите ситници во домот?

Некои места настојуваме да ги игнорираме додека чистиме бидејќи не ни помислуваме дека се валкани.

Кoи места во домот не треба да ги запоставите?

Растенија

Можеби растенијата не се валкани со бактерии, но на нивните листови дефинитивно се собира прашина.

Ова прашина, пак, може да го попречи процесот на фотосинтеза.

Па, не заборавајте еднаш неделно да ги пребришете листовите на вашите растенија.

Глава од туш

Веруваме дека го чистите тушот, но дали темелно ја чистите главата и дупчињата од коишто излегува водата?

Ова е место каде што лесно се собира влага, која може да предизвика мувла. Покрај тоа, некогаш се таложи и бигор поради што се намалува притисокот на вода од тушот.

Врата од фрижидер

Вратата од фрижидерот е едно од повалканите места во домот бидејќи неретко го допираме откако сме допреле храна.

Препорачливо е да ја дезинфицирате вратата барем еднаш неделно.

Радијатори

Зад радијаторите, но и во самата внатрешност на некои модели, многу лесно се акумулира прашина. Но, бидејќи не ја гледаме, неретко забораваме да ги исчистиме.

Дебелиот слој прашина може да ја намали ефикасноста на радијаторот. Истовремено, ако има многу прашина, кога ќе почнете да го користите радијаторот, сигурно ќе почувствувате и непријатен мирис.

Темелно исчистете ги радијаторите пред да почне грејната сезона, а додека трае, редовно собирајте ја прашината.

Продолжува на следната страница...