9 работи кои ја нагрдуваат бањата (и гостите секогаш ги забележуваат)

Ви се случило ли да влезете во бањата (своја или туѓа) и да не сакате да останете внатре ни 10 секунди? Што најмногу ви пречи?

Постојат луѓе кои скоро и да не обрнуваат внимание на бањата и на нејзиното уредување. Расфрлани пешкири, облека за перење, шминки на сите страни, отворена паста за заби, десетина гелови за туширање. Вистински хаос.

Но, и оваа просторија мора да биде пријатна „за око“, бидејќи тука ни почнува утрото. А, и кога ќе ни дојдат гости, не сакаме да се „згрозат“ и едвај да чекаат да избегаат, дури и пред да ги измијат рацете.

Кои ситници во бањата создаваат хаос за таа да делува валкано и несредено?

Расфрлани шминки околу мијалникот и врз машината за перење

Некогаш навистина не внимаваме каде ги оставаме шминките.

Освен што просторијата изгледа валкано и хаотично, кога се во близина на чешмата, на нив се размножуваат бактерии, бидејќи просторијата е топла и влажна.

Па, кога овие шминки ќе ги ставиме на лицето, може да си ја иритираме кожата.

Затоа е подобро во бањата да поставиме полица на која ќе ги чуваме сите шминки.

Накит оставен на мијалникот

Многу жени имаат навика навечер да го вадат накитот и да го остават на мијалникот, за утрото пак да го стават на себе.

Но, ако го чуваме накитот во влажна просторија, тој може да почне да кородира (ако е бижутерија, а не благороден метал).

Исто така, постои голема веројатност некој од семејството (или гостите што не знаат дека е врз мијалникот) случајно да го бутнат во мијалникот и да го изгубите.

Сунѓери за капење што висат над славината

Ова е нехигиенски, бидејќи секој што ќе сака да пушти вода од таму, ќе мора да ги допре за да ги премести.

А, дури и да не ги допира некој што не живее во вашиот дом, визуелно не изгледа убаво кога сунѓери висат врз чешмата.

Средства за хигиена ставени над машината за перење

Ако веќе мора да ги чувате средствата за хигиена над машината, сведете ги на најнеопходните неколку, што ги користите секојдневно.

Останатите ставете ги во кутија и складирајте ги на место каде што нема да се гледаат (и да го огрдуваат просторот).

Продолжува на следната страница...