10 едноставни совети за чистење со кои вашата кујна ќе блеска

Вистинско огледало на секоја домаќинка е изгледот на нејзината кујна. Чистата кујна не само што ќе ви го направи попријатен самиот процес на готвење, туку е од исклучителна важност за вашето здравје.

Со следните корисни совети на економичен и лесен начин ќе направите кујната да блеска, а вие да бидете сигурни дека вашето здравје и здравјето на вашето семејство во никој случај не е загрозено.

1. Работна површина

Измешајте 1 чаша вода, половина чаша оцет и половина чаша вотка. Додадете и неколку капки масло од еукалиптус. Оваа смеса одлично го чисти талогот од бигор и масни наслаги. (Постапката се изведува со гумени ракавици и не заборавајте да ја проветрите собата.)

2. Чајникот

Наполнете 2/3 од чајникот со ладна вода и додадете 25-50 g лимонска киселина. Ставете го на оган и оставете да врие 3-5 минути. Потоа исплакнете го чајникот, наполнете чиста вода и повторно ставете го да зоврие. Повторете ја постапката со чиста вода 2 пати и тој ќе биде безбеден за употреба.

3. Лавабо

Во вода додадете малку амонијак и нанесете го растворот врз целото лавабо. Оставете да делува 10 минути и исплакнете со жешка вода.

4. Микробранова печка

Во сад ставете 400-500 ml вода и 2 лажици оцет. Ставете го садот во микробрановата и пуштете ја да работи 5-10 минути во зависност од степенот на наталожени масти. Потоа со лесно бришење ќе ги соберете сите наталожени масти. не заборавајте да користите гумени ракавици и за оваа постапка.

5. Рерна

Направете густа паста од 1 чаша сода бикарбона, 1 лажица средство за миење садови и малку вода. Подготвената смеса нанесете ја на нечистите делови и оставете да дејствува 15 минути. Потоа измијте ја рерната.

6. Фрижидер

Во 1 литар топла вода растворете 2 лажици сода бикарбона. Со ваквиот раствор натопете мека крпа и избришете ја целата внатрешност на фрижидерот. Потоа, пребришете уште еднаш со чиста вода и на крајот со сува крпа.

7. Чинии

Исчистете ги чиниите од масни наслаги и бигор така што ќе ставите малку сенф во прав на сунѓерчето. Потоа само исплакнете и тие ќе заблескаат како нови.

8. Плотна

За да ја исчистите плотната од електричниот шпорет потребни ви се само паста за заби и стара четка. Нанесете од пастата врз местата со наслаги и оставете да делува 10-15 минути. Потоа избришете ја површината со влажна крпа.

9. Плочките во кујната

Најдобар начин за чистење на сите масни наслаги врз плочите е така што ќе направите концентриран раствор од детергент за миење садови и вода. Убаво измешајте и испрскајте врз плочките.

10. Керамички садови

Керамичката тава наједноставно ќе ја исчистите ако ја наполните со вода и додадете неколку лажици детергент за миење садови и 2-3 лажици сода бикарбона. Ставете ја тавата на оган и оставете ја да врие околу половина час. Потоа тргнете ја настрана, почекајте да се излади водата и измијте ја со чиста вода.

М. С. | Црнобело