Најчестите места низ кои топлината „ви бега“ од домот

Кога температурите се екстремно ниски, сосема очекувано е топлината да ни бега низ домот.

Тогаш заради секоја мала пукнатина се чувствува двојно поголем студ во просторот и е многу потешко да се згреете.

Важно е да ги знаете местата низ кои топлината буквално ви бега:

• Најмногу топлина излегува низ кровот на куќите - 20%
• Низ подот се губи околу 10% од топлината
• Низ прозорите и вратите се губат околу 50% од топлината. Најмногу топлина се губи преку старите прозори. Според произведувачите, менувањето на единечниот прозор со двоен се исплати по само две грејни сезони.
• Канализацијата, оџаците и капите на нив исто така ја изнесуваат топлината од домот.

Како да го спречите бегањето на топлината?

- Полиците и останатиот подебел мебел може да го ставите на надворешниот ѕид. Така изолацијата ќе биде поефикасна.

- Исто така може да ги заштитите прозорите со дебели завеси.

- Обложете ги прозорите и балконската врата со дополнителна заштита - самолеплива лента или фолија која ќе го спречи излегувањето на топлината.

- Проверете дали прекинувачите на светлата ви се добро притиснати за ѕид. Ако не, наместете ги.

- Ролетните секоја вечер спуштајте ги до крај и кревајте ги дури наутро.

М. Д. | Црнобело