Како брзо и ефикасно да го средите домот пред празниците?

Божиќните и новогодишни празници со нетрпение се очекуваат и сите уживаме во празничната еуфорија која расте.

Но, освен еуфоријата која расте за прославите и времето поминато со блиските, се зголемуваат и обврските.

Готвење, подготвување, украсување, местење трпеза и најважно од сѐ, чистење на домот.

Во овој период сите сакаме да го прочистиме домот, како заради нас, така и затоа што постојано очекуваме гости и треба да биде чисто за да оставите добар впечаток.

Секако, на никого не му е лесно тоа во текот на овие денови, но што се мора, се мора, па затоа барем обидете се да го направите тоа правилно без да губите време на непотребни делови од домот.

Неколку совети за претпразничното чистење:

Детално исчистете го влезот во домот

Без разлика дали живеете во стан или куќа, влезот и ходникот се првото нешто што секој го забележува кога ќе влезе.

Детално избришете ја влезната врата, тргнете ги пајажините ако се насобрале по ќошевите и исчистете го делот каде ви стојат чевлите и шкафчињата во ходникот.

Фокусирајте се на кујната

Кујната е можеби и најважната просторија во домот за време на празниците, со оглед на тоа што таму ќе поминете многу време подготвувајќи храна, па не би било пријатно сите тие масни дамки и трошки да останат и за време на прославата.

Трудете се кујната постојано да биде чиста и после секое готвење да пребришувате и да ги миете садовите. Во ова најмногу може да ви помогне сода бикарбона која беспрекорно ги отстранува масните дамки и непријатните мириси.

Посветете се и на бањата

Уште една просторија во домот која никако не смеете да ја запоставите или површно да ја исчистите.

Детално избришете ги кадата, туш кабината, wc школката, мијалникот и плочките, како и огледалото. Посветете се и на декорациите во купатилото – додадете декоративни елементи и сетови или ставете пешкири со новогодишни мотиви.

Дневна соба

Просторијата каде всушност ќе се собирате сите и ќе уживате во новогодишните празници секако дека мора да биде средена и чиста.

Поминете ги со правосмукалка сите површини, избришете ја прашината од сите површини, дури и од најмалите ситници и што е најважно, тргнете ги сите непотребни работи и задржете се само на новогодишни декорации и неопходни предмети.

Секако, и останатите простории, како спалните и детските соби, треба да бидат средени, но најважно е прво да се фокусирате на ходникот, дневната, кујната и бањата, за гостите да имаат најдобар впечаток за вас во просториите во кои ќе ги поминуваат празниците со вас.

М. М. | Црнобело