Време за пролетна „генералка“ - како да го светнете домот во 10 лесни чекори?

Нормално, ќе треба да чистите. Не постои магичен рецепт како домот би се довел во ред и би блеснал, доколку не се потрудите.

Но, во секој случај потребна ви е листа на чекори со чија помош полесно ќе го светнете домот.

Со цел да ги завршите сите работи методично и навремено и да уживате во вашиот дом, еве со што треба да започнете:

Светнете ја туш кабината или кадата

Добро испрскајте ги со средство за чистење (кое во својот состав најдобро е да содржи оцетна киселина и сода бикарбона). Оставете да делува од 20 до 30 минути, а потоа исчистете со крупна пластична четка и топла вода.

Организирајте ги книгите

Ништо не оддава толку несреден дом колку расфрлани и лошо наредени книги. Доколку имате домашна библиотека, извадете ги сите книги од полицата, добро пребришете ја и оставете да се исуши.

Потоа, внимателно забришете ги книгите и одберете начин како ќе ги подредите – по големина, боја, жанр или автор.

Внимавајте само да не ги наводените при бришењето или да ги ставите на неисушена површина.

Фрлете ги козметичките производи со поминат рок

Ние тука би го прошириле списокот и со оние кои не ги користите. Доколку се сè уште употребливи, а не сте ги користеле подолго од 3 месеци, едноставно – подарете ги некому. Остатокот од производите со поминат рок оди директно во отпад.

Навистина немате потреба од 3 стари исушени маскари за трепки или 5 кармини што не ги употребувате никогаш, нели?

Средете ги фиоките

Не е доволно само видливите места во домот да бидат исчистени, потребно е и просторот за складирање да биде доведен во ред. Затоа, одвојте време и трпение да ги средите фиоките.

Бидејќи сите ние имаме такви фиоки кои „вријат“ од непотребни ситници: стари билети, ластичиња, полначи за телефони кои не ги употребуваме.

Рециклирајте и средете го хаосот.

Исчистете го тапацираниот мебел

Редовно забораваме да им посветиме внимание и хигиена на гарнитурата на која седиме, фотелјите или пак трпезариските столчиња кои се тапацирани.

Одберете специјален и неагресивен шампон за ваков тип на мебел. Според упатството направете раствор (кој најчесто се одликува со густа пена).

Со нов, чист и мек сунѓер поминете ги тапацираните површини и оставете добро да се исушат. Со специјалната четка од правосмукалката за мебел поминете го истиот и почувствувајте ја разликата.

Продолжува на следната страна...