Одмрзнување фрижидер и храна, вадење лепенки: Домаќински трикови за кои ви е потребен само фен

Веројатно никогаш не сте размислувале на другите примени на фенот, освен на сушење коса.

Покрај сушењето коса, фенот може да се искористи за уште неколку работи, а посебно ќе ви се најде во домаќинството.

Со негова помош, нема да мора да чекате со часови фрижидерот да се одмрзне ако фатил мраз или пак да се мачите да одлепите некоја лепенка.

Време е да научите некои нови трикови и да ја искористите моќта на фенот:

Отстранување залепен восок на мебел

Прво извадете го вишокот восок со пластична картичка, а она што ќе остане како најтенок слој до површината дувајте го со фен, но не со претопол воздух и од преблиску.

Кога восокот ќе се стопи, соберете го со марамче.

За распалување скара

Брз начин да го запалите ќумурот без многу додатоци за распалување на скара на жар.

Брзо одмрзнување на фрижидер/замрзнувач

Наместо да чекате мразот сам да се топи со часови, дувајте со фен и поставете садови и крпи во кои мразот ќе се цеди, но не заборавајте да го исклучите од струја фрижидерот претходно.

Лесно отстранување на налепници

Топлиот воздух може да го стопи залепениот слој, со што лепенките од различни површини ќе може многу полесно да ги отстраните.

За полесно дување душеци, балони и гуми

Наместо да се мачите да дувате со уста додека напумпате душек или гума, земете шише со отвор колку отворот за дување, исечете го на средина за да го ставите фенот и пуштете да дува ладен воздух.

Продолжува на следната страна...