Вапцање на пареа – Нова техника со која нема да си ги обоите рацете

Ни се ближи Велигден, па време е да се потсетиме на техники за креативно да ги офарбаме овогодинешните јајца, со оглед на тоа што повеќето веќе сме дома и имаме „вишок“ време.

Ви предлагаме да пробате нова техника која не е ниту комплицирана, ниту скапа.

Јајцата сварете ги ден претходно, пред да ги фарбате.

Кога добро ќе се изладат, може да почнете со нивно боење. Земете повеќе кесички во шарени бои.

Јајцата пропрскајте ги со оцет, па распоредете ги на метална цедилка.

Наполнете едно тенџере со вода, па ставете ја цедилката. Јајцата не смее да се допираат со водата. Ставете на рингла.

Додека водата се загрева, отворете ги кесичките со саканите бои и пропрскајте ги јајцата. Кога ќе ги ставите сите бои, повторно пропрскајте ги јајцата со оцет, за да почнат да се растекуваат. Но, не претерувајте со количината.

Покријте го садот и оставете ги јајцата на тивок оган. Пареата ќе си ја направи магијата.

Кога јајцата ќе бидат обоени, може да ги исплакнете под млаз вода. Оставете да се исушат, пребришете со малку зејтин и поставете ги во кошницата.

М. Д. | Црнобело