Како да ги намалите трошоците во домот и да заштедите пари во непредвидливи времиња?

Сите сакаме комоција и забава, која си повлекува голем процент од големиот буџет, но кога времињата се непријатни и непредвидливи, треба да се прилагодиме.

Како може да заштедите без голем напор, односно да ги трошите парите попаметно?

1. Користете картички со попусти или за собирање поени.

2. Земајте ги бесплатните промероци кои ви се нудат. Делува смешно, но секоја заштеда е заштеда.

3. Внимавајте кога ги завршувате домашните обврски кои ви трошат најмногу струја или вода.

4. Наутро, подигнете ги ролетните и тргнете ги завесите за сонцето да влезе во просториите. Навечер, затворете ги ролетните и завесите за да ја сочувате топлината.

5. Не ги грејте просториите во кои не престојувате подолго од 1-2 часа дневно.

6. Електронските уреди секогаш нека бидат исклучени, кога не ги користите.

7. Класичните сијалици заменете ги со штедливи.

8. Сите полначи за мобилни, таблети и останати уреди исклучете ги од струја кога не ги користите.

9. Поретко пијте кафе надвор. Дајте 100-150 денари еднократко за убав термос и во него подготвувајте кафе.

10. Носете си ручек на работа. Не купувајте секој ден.

11. Не пазарете во супермаркет кога сте гладни - така ќе потрошите повеќе од потребното. Купувајте со список.

12. Размислете какви пакети и услуги користите, кога се работи за интернет, телевизија и фиксен телефон.

13. Скратете на сите месечни членства кои периодов не ги користите.

14. Садовите кои ги миете на рака, прво потопете ги во топла вода и детергент, па после половина час измијте ги. Така ќе потрошите помалку вода.

15. Не ставајте топли намирници во фрижидерот и потргнете го 5-10 сантиметри од ѕидот. Исто така, вратата не ја држете предолго отворена. Сето ова штеди струја.

16. Кога готвите, намалете го греењето. Оваа активност во кујната ја зголемува температурата во целиот дом.

17. Инспирирајте се од скандинавската hygge филозофија – запалете свеќи, префрлете ќебенце и многу пернички кои ќе го стоплат просторот.

М. Д. | Црнобело