Како лалињата да ви издржат подолго време во вазна?

Лалињата ни најавуваат дека ни се ближи пролетта и носат посебна убавина и радост во домовите.

Ако сте меѓу љубителите на лалиња, ова се неколку совети како да останат подолго свежи во вазната:

1. Купете млади лалиња.

Побарајте лалиња кои се затворени, со пупка, по можност да е сè уште зелена. Цветот ќе се отвори за неколку дена и ќе имате подолго време да уживате во нивната убавина.

Додека да ги ставите во вода, осигурете се дека се замотани во мокра крпа или шамивче. И да сте блиску до дома, секој момент без влажност за нив значи побрзо венеење.

2. Пресечете ја дршката под агол.

Пресечете ја дршката на косо, под агол од 45 степени затоа што на тој начин билката полесно ќе ја прими водата.

3. Отстранете ги вишокот листови.

Тие можат да скапат побрзо и да го овенат и цветот.

4. Одберете соодветна вазна.

Вазната треба да биде висока, а под вода треба да е барем половина од дршката (стебленцето). На овој начин и цветот ќе стои исправен во вазната без да се свитка надолу.

Е. П. | Црнобело / фото: pexels.com