14 малку познати начини како да го искористите оцетот за чистење на домот

Светнете ги огледалата

Проблемот со средствата за чистење на стакла и огледала е што честопати оставаат остатоци. Оцетот работи исто толку добро, со предноста што е евтин и еколошки.

Со него, исто така, можете да ги исчистите стаклата на прозорците и светилките.

Потребно е да измешате еднаква количина на вода и оцет. Растворот се става во шише-распрскувач и се користи на ист начин како и обичниот чистач на стакло.

Решете се од бигорот во кафематот или електричниот бокал

Чистењето на ваквите апарати е лесно со помош на мешавина од ладна вода и оцет во сооднос 2:1. 

Овој раствор се истура во резервоарот на кафемат, како што се прави кога кафето се подготвува и апаратот е ставен во функција. Откако ќе се испразни резервоарот, течноста се остава да отстои 15 минути. Потоа, процесот се повторува, но со зовриена вода.

Откако ќе се излади, кафематот нормално се празни и се мие со вода и детергент. Истата постапка може да ја примените и кај електричните бокали.

Освежете ги боите на килимите

Боите на килимите бледнеат со дејството на сончевата светлина врз нив. Може да се оживеат со триење со крпа натопена со топол алкохолен оцет. Течноста се остава да делува неколку минути и се суши со крпа. Потоа, тепихот може да се помине со правосмукалка.

Остранете ги налепниците

Понекогаш и покрај нашето внимателно отстранување на лепенките, останува грозен остаток од лепило на површините.

За да го избегнете ова, само треба да ја натопите налепницата во малку оцет користејќи четка или хартиена крпа.

Оставете да дејствува околу пет минути и истријте ја налепницата додека не се симне. Повторете го процесот ако остатоците од лепило се сè уште јасно видливи.

Исчистете ја машината за перење

По перењето на облеката, се акумулира талог во барабанот, во резервоарот и во цревата и може да предизвикува лош мирис.

За да го отстраните, едноставно вклучете ја машината за перење на најдолг циклус и на висока температура со додавање на четири чаши бел оцет во барабанот и ¾ чаша во резервоарот за прашок.

На половина од процесот, прекинете го циклусот и оставете го апаратот да одмори околу еден час за да проработи дејството на оцетот.

Потоа, машината повторно се става во функција до крајот на циклусот. Во меѓувреме, надворешноста на машината може да се исчисти со крпа натопена во оцет.

Сепак, кога станува збор за поскапи апарати во домаќинството, прво проверете добро дали би било пожелно да експериментирате.

Отстранете ги остатоците од восок од свеќите

Остатокот од восок од свеќи се лепи на површините и доста тешко се отстранува. Најдобро е да го загреете восокот со фен за коса, да го отстраните со хартиена крпа, а дамката ќе успеете да ја извадите со помош на крпа натопена во мешавина од вода и оцет со сооднос 3:1.

Овој трик функционира и за отстранување на остатоци од восок од дрвени површини.

(О)Милена | Црнобело