Јагодите се мијат со оцет, компирите се чуваат со јаболко - Трикови како овошјето и зеленчукот да ви траат подолго

Како да го сочувате компирот за да не пушти никулци, доматите да не скапат, а јагодите и другите бобинки подолго време да бидат свежи?

Вообичаено кога се враќаме од пазар овошјето и зеленчукот го ставаме во ладилник за да ни трае подолго, а факт е дека некои продукти воопшто не треба да се чуваат таму.

Во продолжение погледнете неколку едноставни трикови како да ги зачувате овошјето и зеленчукот подолго време свежи.

Јаболко во кутијата со компири

Доколку често ви се случува компирот да ви пушта никулци, најдобро е да ставите едно јаболко таму каде што ги чувате компирите. 

Гасот етилен од јаболката спречува тој да пушти никулци, а дополнително добро е да го чувате компирот во хартиена амбалажа подалеку од влага и од светлина.

Доматите се чуваат во хартиена кеса

Ако сте ги купиле во пластична амбалажа веднаш префрлете ги во хартиена кеса, со дршката нагоре и на собна температура. Исто така, потребно е да ги чувате подалеку од сончева светлина.

Целерот и брокулата се чуваат во проѕирна фолија

Целерот и брокулата може да останат до две недели свежи доколку ги завиткате во проѕирна фолија.

Јагодите и бобинките натопете ги во раствор од оцет

Направете раствор од 60ml оцет и 350 ml вода и во него потопете ги јагодите и останатите бобинки.

Исцедете ги и добро исушете ги, па префрлете ги во хартиена кеса – на овој начин ќе останат свежи и до неколку дена, затоа што оцетот спречува развој на мувла и ги дезинфицира.

Свежите зачини одат во замрзнувач

Ако сте купиле свежи зачини тогаш можете да ги исечкате и да ги ставите во сад за правење мраз, да ги прелеете со маслиново масло и да ги ставите во замрзнувач.

На овој начин ќе можете да ги користите секојпат кога правите сосови, супи или други варива.

Б. С. Б. | Црнобело