Предмети во домот кои сигурно не знаевте дека треба да ги заменувате со нови

Сад за мраз

Ако користите пластични садови за мраз, препорачливо е да ги менувате по околу две години.

Причината е тоа што со текот на времето, пластиката од којашто се изработени може да почне да испушта токсини кои вие ќе ги внесете преку мразот.

Садови за миленици

Најдобро е да ги избегнувате пластичните садови за миленици.

Милениците, особено кучињата, обично ги гребат овие садови, па станува речиси невозможно да ги исчистите сите бактерии.

Ако сепак користите пластични садови, менувајте ги на секои две години.

Металните садови, од друга страна, можат да ви траат вечно.

Килимче во бањата

Бидејќи влагата создава совршена околина за развој на бактерии, треба да го перете килимчето во бањата еднаш неделно.

Исто така, препорачливо е да го заменувате на секои две години, бидејќи со текот на времето сепак почнува да се создава мувла.

Четка за тоалетна школка

Покрај тоа што треба темелно да ја чистите четката по секое користење, препорачливо е и да ја менувате околу еднаш годишно за да го спречите разнесувањето на бактерии.

Завеса за туширање

Веројатно и самите сте забележале дека на завесата во бањата лесно се формира мувла.

Покрај тоа што треба да ја чистите оваа мувла, добро би било и да ја заменувате завесата околу еднаш годишно.

Ако имате многу влага во бањата, тогаш заменувајте ја завесата на секои шест месеци.

Спирова С. | Црнобело