Трикови за перење облека и отстранување дамки од нашите баби кои ќе ви се најдат

Знаевте ли дека некои дамки се отстрануваат со обична креда, па и со пена за бричење? Кои други трикови за перење можеме да ги научиме од нашите баби?

Денес постојат безброј средства за отстранување дамки, перење облека и што уште не.

Иако овие средства несомнено се ефикасни, некогаш исто добри се и едноставните трикови што ги користеле нашите баби. Секако, не функционираат сите во секоја ситуација, но вреди да се проба. 

Неколку вакви трикови во продолжение:

Отстранете ги мрсните дамки со креда

Најобичната креда која се користи за пишување на табла може да ви помогне да ги отстраните тазе мрсните дамки.

Втријте ја кредата на дамката и оставете ја неколку минути, а потоа истријте ја дамката.

Ако уште се познава, повторете ја постапката.

Оцет за непријатен мирис на облеката

Ако облеката има непријатен мирис, како на влага, дури и по перењето, можете да го отстраните со оцет.

Наполнете кофа со студена вода и ставете една шолја бел оцет. Накиснете ја облеката барем половина час, а потоа исперете ја како вообичаено.

Оцетот не само што ќе ги елиминира непријатните мириси, туку може и да отстрани некои дамки.

Заштитете ја шарената облека со сол

Бојата на шарената облека почнува да избледува по неколку перења, но има трик со кој ќе ѝ го продолжите рокот.

Едноставно, во кофа студена вода ставете околу половина шолја сол и накиснете ја облеката.

Потоа исперете ја како вообичаено, по можност на пониска температура за дополнително да ја заштитите бојата.

Пена за бричење за отстранување дамки

Нанесете пена за бричење на дамката и оставете да делува околу половина час. Потоа истријте ја, а ако се познава уште, повторете ја постапката.

На крај, исперете ја облеката како вообичаено.

Нормално, пената за бричење нема да ги отстрани буквално сите дамки, но може да биде одлична за дамки од кафе, кечап, шминки и слично.

Уште 4 трикови на следната страница...