Завиткајте ги во весник и уште 4 трикови со кои лалињата подолго ќе бидат свежи во вазна

Пред да ги ставите во вазна, завиткајте ги лалињата во весник и оставете ги така неколку часа, најдобро преку ноќ.

Нема поубава пролетна декорација од свежите лалиња. Единствен проблем е што не траат многу долго.

Постојат начини да им го продолжите животот, како отстранување на дел од зелените листови.

Но, има и трикови со работи што сигурно ги имате во домот, кои можат значително да им го продолжат животот:

Завиткајте ги во весник

Откако ќе ги извадите лалињата од целофанот и ќе им ги отстраните долните листови, целосно завиткајте ги во весник.

Оставете ги најмалку два часа, но уште подобро цела вечер, па дури потоа ставете ги во вода.

Ставете шеќер во водата

Откако ќе им се пресече коренот, на лалињата ќе им недостасуваат хранливите материи од почвата.

За да ја надоместите оваа загуба, во вазната со вода ставете една лажица шеќер.

Секако, ова не може да замени корен и почва, но значително ќе им го продолжи животот.

Додајте јаболков оцет

Покрај шеќер, во вазната истовремено можете да ставите и една лажица јаболков оцет.

Шеќерот ќе ги храни цветовите, додека јаболковиот оцет ќе го забави развојот на бактерии, со што ќе го одложи венењето.

Ставете монети

Бакарот го спречува размножувањето на бактериите и ја одржува свежината на цветовите.

Можете да ставите неколку монети од денари, но најдобро ако имате центи (од евра) бидејќи содржат повеќе бакар.

Лимонов сок

И лимонот има антибактериски својства, па во водата можете да ставите неколку капки лимонов сок.

Спирова С. | Црнобело