Сукулент со ливчиња во форма на делфини – одлична декорација за домот

Со ливчиња кои наликуваат на мали делфини, ова растение ќе ве освои уште на првиот поглед. Притоа, многу е лесно за одгледување, па погодно e за луѓе кои немаат многу искуство со растенија.

Растението Senecio peregrinus, во некои земји познато и како „ѓердан од делфини“, сигурно ќе ве освои со уникатниот изглед.

Ова растение е сукулент, но неговите гранчиња можат да пораснат многу долги, а она што го прави најинтересно се ливчињата кои наликуваат на мали делфини.

А, ако го одгледувате правилно, помеѓу мај и јуни може и да расцвета.

Растението не поднесува студ, па во студените месеци ќе треба да го чувате на топло место.

Исто така, потребна му е светлина, но не директна и, генерално, лесно е за одгледување.

Во лето треба да го наводнувате еднаш неделно, односно додека не забележите дека земјата во саксијата е сува. Во постудениот период доволно е да го наводнувате и само еднаш месечно.

Важно е растението да има саксија со добра дренажа – во спротивно листовите ќе почнат да се сушат.

Неколку фотки кои ќе ве натераат уште денес да си го набавите ова растение:

Спирова С. | Црнобело