Жолт јасмин и уште неколку прекрасни, но смртоносни цвеќиња

Овие цвеќиња можеби изгледаат безопасно, но содржат токсини и отровни материи кои можат да бидат опасни како за луѓето, така и за домашните миленици.

Погледнете во продолжение со кои цветови треба да бидете внимателни:

Жолт јасмин

Жолтиот јасмин е градинарско растение, омилено поради обилните жолти цветови што ги има во лето. Но, дали знаевте дека тоа е исто така едно од најсмртоносните цвеќиња?

Содржи невротоксични алкалоиди кои влијаат на нервните завршетоци и можат да предизвикаат парализа и мускулна слабост кај животните и луѓето. Сите делови на растението се отровни, но најмногу треба да се внимава со цветовите и корените.

Едич

Тоа е едно од оние смртоносни цвеќиња што изгледаат прекрасно и цветаат во лето, но може да предизвикаат повраќање, треска или дијареа кај луѓето и домашните миленици.

Ипомеја

Самото помирисување на цветот, може да предизвика дијареа, повраќање или халуцинации. Децата особено ги сакаат убавите цветови на ова растение, па затоа внимавајте.

За среќа, ако се случи вашето дете да сака да го проба ова цвеќе поради љубопитност, тоа не е опасно освен ако детето не се задави.

Но, семето може да биде отровно, особено во големи количини, бидејќи содржи хемикалија слична на халуциногената дрога ЛСД.

Беладона

Веројатно сте читале криминални романи или сте гледале телевизиски серии кои вклучуваат труење со беладона.

Римјаните користеле беладона како биолошко оружје за да ги контаминираат резервите на храна на нивните непријатели.

Во драмата на Шекспир, Магбет, шкотската војска ги победува Данците со тоа што им става беладона во алкохолот, предизвикувајќи длабок сон што ги остава во беспомошна состојба. 

Орнитогалум

Овој смртоносен цвет што цвета кон крајот на пролетта или почетокот на летото, содржи срцеви гликозиди кои имаат несакани ефекти опасни по живот. Никогаш не треба да го користите како лек.

M. Г. | Црнобело