6 причини зошто растенијата ви „умираат“ речиси веднаш откако ќе ги купите

Сувиот воздух во домот, особено во грејна сезона, може да претставува проблем за некои растенија. Но, лесно ќе го решите овој проблем ако ставите сад со вода покрај растението и, секако, го чувате понастрана од грејните тела.

Ако сакате растенија, но не сте многу искусни, веројатно ви се случило да купите навидум здраво растение кое „умрело“ речиси веднаш откако сте го донеле дома.

Ова не е така ретка појава кај неискусните љубители на растенија, а постојат неколку причини за ова.

Шесте најчести причини во продолжение:

Шок од новата околина

Можеби звучи чудно, но преселувањето може да биде стресно за растенијата.

Додека биле во цвеќарата, растенијата се навикнале на одредени услови, па кога ќе ги преместите во вашиот дом, може да почнат да венеат ако условите се малку поразлични.

За да го избегнете овој ефект, најпрво препорачливо е да не го пресадувате растението веднаш.

Исто така, ако забележите дека почнува да венее, пробајте да му го смените местото во домот.

Недостаток од простор

Како што растат, на растенијата им треба повеќе место за нивниот корен. Поради ова ќе мора да ги пресадите по извесно време за да не ви овенат.

Истото важи и ако купите неколку коренчиња во една саксија - не можете да ги оставите сите во една и ќе треба да ги пресадите. 

Лоша дренажа

Важно е саксиите да имаат добра дренажа. Во спротивно, во почвата ќе се задржи многу вода, а поради ова коренот може да скапе.

Ставате многу стапчиња за потпора

На некои растенија им е потребна дополнителна потпора, но за ова доволно е да искористите едно-две стапчиња, не повеќе.

Ако ставите многу стапчиња, постои ризик да ги оштетите корените на растението.

Ако, пак, растението стои исправено без проблем, воопшто не му ставајте потпора.

Ставате премногу ѓубриво

Повеќето растенија што ги купувате од цвеќара веќе имаат ѓубриво, што значи нема потреба да додавате откако ќе го купите.

Во овој случај најдобро е да се консултирате со експертите од цвеќарата кои ќе ви кажат дали и кога треба да ставите ѓубриво.

Ако ставите премногу ѓубриво, можете да му наштетите на растението.

Сув воздух во домот

Воздухот во домот може да биде премногу сув за растенијата, особено во грејна сезона. 

Некои растенија сакаат поголема влажност на воздухот, па ова може да претставува проблем за нив.

Лесно ќе го решите овој проблем со навлажнувач на воздух. Доколку немате, доволно е да ставите сад со вода покрај растението. И, секако, чувајте го растението понастрана од грејни тела. 

Спирова С. | Црнобело