На гости кај Давор - Dave’s Kitchen: Стан од 50m2 во Скопје, комплетно уреден со мебел од IKEA (фото)

Детали

сабота, 28 октомври 2023

„При уредувањето најголем акцент ставив на кујната со оглед на тоа што го работам. За монтажата на елементите се погриживме јас и татко ми. Кујната е мешавина на рустикално и модерно, со работна површина од гранит и контраст со златни рачки за вратичките и фиоките, златна чешма, бел порцелански мијалник“, вели Давор Панчевски, познат како Dave’s Kitchen, за CRNOBELO.com.

Давор Панчевски (30), познат како Dave’s Kitchen, има завршено Економски факултет, а како професија го избрал маркетингот, но сепак најголема љубов му е готвењето и тоа го работи веќе 8 години.

Давор е од Скопје, но во Охрид има викенд куќа и често патува таму, па поради тоа многумина мислат дека живее таму.

Сепак, неговиот стан е во Скопје. Има 50m2 и тој со задоволство го нарекува свој дом. Токму таму тој ги приготвува своите превкусни рецепти.

За уредувањето на домот Давор открива за CRNOBELO.com:

„Идејата за уредување ја имав многу одамна, а кога дојде време да се уредува целиот процес траеше неколку месеци.

Причината беше поради тоа што за набавка на кујната мораше да се оди најмалку 10 пати во IKEA и да се донесат потребните елементи за да се намонтира истата.

Целиот стан (95%) е уреден од IKEA, а интересно е тоа што набавката не беше само од една IKEA, туку од две: Србија и Грција.

При уредувањето најголем акцент ставив на кујната со оглед на тоа што го работам. За монтажата на елементите се погриживме јас и татко ми за целиот стан.

Кујната е мешавина на рустикално и модерно, изборот падна на темна кујна, со стаклени вратички во горниот дел од елементите и гранит како работна површина.

Голема желба имав уредувањето во висечките елементи да биде видливо, а за тоа се погрижија стаклените вратички и светлото во елементите.

Како контраст на темната кујна, одбрав златни рачки за вратичките и фиоките, златна чешма, бел порцелански мијалник и сиви кујнски апарати.

Продолжува на следната страница...