На гости кај Ване Маркоски: Стан во Сопиште на 540m надморска височина во минималистички стил

Детали

сабота, 06 јануари 2024

„Одлуката да се преселам малку подалеку од центарот на Скопје не беше тешка, имајќи ги предвид природата и чистиот воздухот овде. Скоро цела година го уредував станот, дел по дел. Од идеја до реализација, сè е мое и одговара на мојот темперамент и начин на живот“, вели водителот Ване Маркоски и ни откри детали за својот дом во Сопиште.

Телевизискиот и радио водител Ване Маркоски (36) од Тетово долги години живее во Скопје. На почетокот изнајмуваше станови под кирија и живееше со цимери, но повеќе од една година Ване има свој стан во населбата Сопиште. Станот е дел од комплекс згради кои имаат и свој базен.

Во неговиот дом има место за сè: за неговите три миленици, кучињата Аја, Буби и Смајли, за велосипедот кој често го вози за рекреација, за ситни детали кои го прават пријатно место за престој, но и за впечатливи уметнички дела кои му даваат топлина на минималистички уредениот простор.

Ване вели дека најубавата работа поврзана со станот е што се наоѓа на голема надморска височина, а воздухот е чист дури и кога градот е загаден.

А, за тоа како го уредил домот и кое му е омиленото катче, Ване сподели со CRNOBELO.com:

„Станот во кој живеам има 63m² со супер голема тераса, а се наоѓа во Сопиште, на околу 540m надморска височина.

Тука живеам веќе година и половина. Одлуката да се преселам малку подалеку од центарот на Скопје и не беше толку тешка, имајќи ја предвид природата и чистиот воздухот во мојата околина.

Во принцип сум човек кој сака спорт, планини, ладно време, па живеењето блиску до град, а сепак на планина, едноставно ми го промени животот.

Скоро цела година го уредував станот, дел по дел.

Од идеја до реализација, сè е мое и одговара на мојот темперамент и начин на живот.

Омилено катче во домот ми е терасата, и во лето и во зима. Утринското кафе на планина, со поглед на градот во облаци и природа на сите страни е нешто за кое се каам што сум го пропуштал овие години.

Во домот доминира белата боја. Иако е во минималистички стил, има детали кои го дополнуваат целиот изглед на просторот.

Кујната е во црна боја, но контраст даваат елементите во тиркизно-сина боја.

Црната одлично одговара во комбинација со едниот ѕид со тули, но и со лустерите и ролетните во станот.

Дрвените елементи, пак, ја комплетираат целата слика за станот.

Продолжува на следната страница...