Летна бајка во кафулето со розово Фиќо во Вевчани - три фламинга и многу цвеќе за кул фотки

Детали

четврток, 22 август 2024

Познато како „кафулето со розово Фиќо“, Клуб Зи во Вевчани и ова лето е вистински рај за посетителите.

Кафулето „Club ZI“ во Вевчани е препознатливо по своето розово Фиќо и е едно од омилените места за фотографирање на секој што ќе дојде таму.

А неговите сопственици секоја сезона со многу љубов прават нова тематска декорација.

Па по новогодишната идила и велигденските декорации, ова кафуле сега е украсено во стилот на летото.

Покрај препознатливата говорница, која е декорирана со многу цвеќе, и розовата маса со розови столчиња на која често се фоткаат инстаграмџиите, овој пат Фиќото е украсено со 3 големи фламинга.

Тие се поставени на кровот на розовиот автомобил, меѓу многуте цвеќиња и го доловуваат летниот амбиент на ова впечатливо место.

Погледнете ги фотографиите:

А. Ј. | Црнобело