На гости кај Симона: Стан на Македонка во мало, германско гратче покрај Боденското Езеро (фото)

Бидејќи сега се празниците, да кажам дека елка имавме уште од првата година кога дојдовме тука (иако не спаѓа во „неопходните работи“ да ги имаш за почеток, но ние си сакаме празнично украсен дом).

Ги обожавам божиќните празници. Ме потсетуваат на убавите семејни моменти од детството.

Така што дневната засега ни е најомиленото и најпријатно место. Сончевите зраци таму ги имаме преку цел ден, па ги користиме максимално, иако тука времето знае често да биде облачно и врнежливо.

И собата од децата ја обожавам. Таму поминуваме, исто така, голем дел од времето играјќи заедно.

На терасата сакаме да направиме една мини кујна, но во иднина. Засега го имаме тоа што е најпотребно.

Омилена активност ми е засадувањето на цвеќиња на пролет, тоа ме опушта и релаксира од секојдневните обврски. А некако ненаметливо љубовта кон тоа ми ја префрли мајка ми.

Цвеќето дава живост и го разубавува секој простор и секоја тераса, се разбира.

Уреден дом (кој верувајте со децата и не е секогаш баш така уреден како на сликите), но мирен, хармоничен и топол дом, исполнет со детска смеа и радост, која и е најголемото богатство и луксуз, е комплетно остварена цел за мене.

И ете, тоа нека биде ова еден вид и новогодишна честитка и желба која ја посакувам на секого“.

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело