На гости кај Симона: Стан на Македонка во мало, германско гратче покрај Боденското Езеро (фото)

Детали

сабота, 28 декември 2024

„Животниот пат со сопругот нè донесе во Германија. Живееме во помал град, на границата со Швајцарија и Австрија, кој излегува и на најголемото природно езеро во државата. Кон крајот на летото 2024-та се преселивме во нов стан“, ја започнува приказната за уредувањето на домот Симона од Самоков (Македонски Брод) за CRNOBELO.com.

Симона потекнува од Порече, за неа најубавиот крај во нашата Македонија и место каде што владее природата, зеленилото и чистиот воздух.

Има дипломирано на Филозофскиот факултет, а пред 8 години заедно со сопругот се преселила во Германија.

Со семејството, односно со сопругот и двете еца Иан и Јана, живее во еден помал град, кој лежи на крајбрежјето на Боденско Езеро во јужна Германија.

Моментално не работи и е посветена на мајчинството и на исполнувањето на обврските кои тоа ги носи, за што, се разбира, голема помош има од сопругот.

За уредувањето на нејзиниот дом Симона споделува за CRNOBELO.com:

„Љубител сум на убаво уреден простор и амбиент отсекогаш.

За уредувањето на домот денес навистина имаме од каде да црпиме идеи и инспирација.

По студиите, животниот пат нè донесе во Германија. Живееме во помал град, на границата со Швајцарија и Австрија, кој излегува и на најголемото природно езеро во државата.

Мирно, чисто и навистина спокојно место.

Кон крајот на летото 2024-та се преселивме во нов стан.

Одлучувачки момент да се преселиме во поголем и празен стан беше доаѓањето на новиот член во семејството – ќерката Јана. Ни требаше поголем простор.

Беше малку напорно, бидејќи сè дојде наеднаш и во краток временски рок, но се постигна.

Иако трудна, гордо ќе се пофалам дека со љубов и радост активно учествував во преселбата.

Станот беше комплетно празен. Го опремивме по наша желба, вкус и договор, се разбира.

Продолжува на следната страница...