Во домот на водителката Ева Јовановска: Дуплекс од 78m2 во Скопје, со подвижни скали кои водат до вториот кат

Детали

сабота, 15 февруари 2025

„Уште во првиот момент кога влегов во станот знаев дека ќе биде мојот дом, го почувствував тоа длабоко во себе. Станот има 2 спални соби, зелени украсни елементи на ѕидовите, голема дневна со трпезарија и убаво уредена кујна“ - водителката Ева Јовановска ги отвори вратите својот дом за CRNOBELO.com.

Водителката на емисијата G Carpet, Ева Јовановска од Тетово, уште од средношколските денови живее во Скопје.

Но, откако со години била под кирија, таа кон крајот на 2024-та купи свој стан.

Нејзиниот дом е дуплекс од 78m².

За Ева, станот бил љубов на прв поглед, а таа за CRNOBELO.com вели дека во моментот кога зачекорила таму, веднаш се видела себеси како живее во тој простор.

Водителката ги отвори вратите од својот дом и ни раскажа неколку детали за неговото уредување:

„Уште првиот момент кога влегов во станот едноставно знаев дека ова место ќе биде мојот дом, го почувствував тоа длабоко во себе, баш е по мој вкус, затоа не се размислував многу и уште утредента ја почнав постапката за негово купување.

Овој дуплекс стан со големина од 78m² претставува совршен спој на современ дизајн и функционалност.

Со внимателно избрани детали, просторот нуди удобност и модерен стил на живеење.

Уште од самиот влез може да се забележи модернистичкиот стил на станот, долг ходник во кој преовладуваат неутрални тонови, декоративна техника на ѕидовите со италијански акрилни бои.

Впечатлив момент е и огледалото кое е поставено по целата површина на вратата која води кон останатите простории во станот.

Кујната е вистински рај за мене, бидејќи обожавам да готвам.

Тука доминира крем\кафеава боја, работните површини се пространи, додека складишните простори се дизајнирани за максимална функционалност.

Деталите како осветлувањето под горните елементи и внимателно избраните рачки на фиоките, ѝ додаваат дополнителен шарм на оваа просторија.

Тоалетот има модерен и софистициран изглед, со внимателно избрани материјали кои создаваат луксузна атмосфера и големо, тркалезно огледало.

Ѕидовите се обложени со мермерни плочки со суптилни сиви шари, што му даваат елегантен, но топол изглед на просторот.

Продолжува на следната страница...