Во домот на водителката Ева Јовановска: Дуплекс од 78m2 во Скопје, со подвижни скали кои водат до вториот кат

Еден дел од ѕидот е обложен со дрвени панели, кои внесуваат природна топлина и создаваат баланс.

Подот е посебна приказна – со уникатен мозаик од плочки што додаваат доза на артистичност и ја разбиваат монотонијата на просторот.

Дневната соба ми е омилен дел од станот, зрачи со топлина и гостопримливост.

Пространа и светла, таа е уредена со модерна италијанска гарнитура во сиви тонови, а зелените декоративни детали на вештачка трева даваат посебен шмек.

Спроти гарнитурата е поставен делот за телевизорот и други лични работи.

На полица над телевизорот стојат и трите круни кои ги освоив на изборите за убавина на кои учествував.

Големите прозорци во станот овозможуваат природната светлина да ја исполнува просторијата, создавајќи пријатна атмосфера за релаксација или дружење со пријателите.

Трпезариската маса има софистициран и модерен дизајн, нејзината црна боја е надополнета со суптилни светли линии кои имитираат природни мермерни вени, додавајќи елеганција и луксузен изглед.

Овој сет на маса и столчиња носи минималистичка, но раскошна естетика, правејќи ја трпезаријата стилски простор.

Терасата има убав поглед кон населбата во којашто живеам и тука го пијам моето утринско кафе кога не е многу ладно.

Оградата од стакло додава модерен и елегантен допир, овозможувајќи непречен поглед и чувство на отвореност.

Подот е украсен со геометриски плочки во неутрални нијанси, кои внесуваат динамика и стил.

Во центарот е поставена компактна тркалезна маса со светла камена површина и стабилна црна метална основа.

Опкружена е со две елегантни сиви столчиња со метална конструкција и минималистички дизајн.

Во станот има две спални соби.

Спалната соба на долниот кат е оаза на мир и удобност.

Преовладуваат неутрални и сини тонови, има минималистички, но елегантни детали и за мене таа е совршено место за релаксација.

Големиот кревет со удобен душек и меката постелнина ми гарантираат квалитетен сон.

Еден од највпечатливите елементи во станот се подвижните скали кои водат до вториот кат - тие се спуштаат и креваат на копче.

Овој иновативен дизајн не само што додава естетска вредност, туку и практичност, овозможувајќи лесен пристап до горниот дел од дуплексот.

Скалите се комбинација од метал и дрво, што придонесува за современ и елегантен изглед.

На вториот кат се наоѓа втората спална соба, во која има и тоалет, што го прави горниот кат целосно функционален и независен простор во станот.

Спалната соба е уредена во смирувачки тонови, слична на таа од долниот кат.

Но, уникатен и интересен детаљ е витражот кој се наоѓа зад креветот.

Над самиот кревет, на плафонот има прозор, па светлината во спалната влегува преку кровот.

Секој агол од станот раскажува своја приказна, одразувајќи го мојот вкус“.

Повеќе фотографии на следната страница...