Во овој ресторан пријателите се забранети, може да јадете само ако сте сами

Детали

петок, 11 јули 2014

Во нашето општество и култура навикнати сме дека во кафулиња и ресторани мора да бидеме со друштво од барем еден човек плус.

Се чувствуваме чудно и необично доколку седнеме сами да јадеме или да пиеме кафе. Често и потсвесно тоа може да биде поради масите кои имаат повеќе столчиња и простор што ви дава знак дека треба да се пополнети.

Дури и вие да не се чувствувате неудобно, луѓето од страна ќе ве гледаат со сожалување и како да е тоа нешто страшно.

Затоа, во овој ресторан во Амстердам решиле да ги оттргнат таквите предрасуди и бариери, па направиле маси на кои може да седне само еден човек.

Автоматски со тоа ви кажува дека не можете и немате потреба да имате друштво, бидејќи масата е само за вас.

Неговото име е „Eenmaal“ што во превод значи еден оброк или еднаш, а замислата е да се стави крај на примораната социјализација и секој да си дозволи да јаде сам во мир и тишина.

Ресторанот е во поп-ап стил, со неодредени места и маси во просторот, па вие бирате каде ќе седнете.

Наместо да се занимавате со мобилните телефони, туку ви се нудат книги и магазини со кои може да уживате додека јадете.

Зарем не ви звучи совршено, ресторан во кој може да јадете без постојаното ѕвонење на мобилните телефони?

Би сакале да има и кај нас еден ваков ресторан?

• 
• 
• 
• 
• 
• 
• 
• 
•