Убав, топол и шармантен: Мал стан „спакуван“ во 45 метри квадратни
- Детали
- среда, 01 март 2017
Ви претставуваме стан кој „заведува“ со добриот вкус и функционалноста, спакувани во атрактивен простор со површина од скромни 45 метри квадратни.
Ѕидот со изложени цигли е вистинска „ѕвезда“ во ентериерот на овој дом, но целината е таа која создава чувство на гостопримливост и топлина.
Остатокот од станот е осмислен и дизајниран во неутрални и меки тонови, што овозможува нагласениот ѕид уште повеќе да се истакне.
Рустичниот шарм кој е постигнат во амбиентот е умешно споен со елементите на индустрискиот стил на уредување, а сè со цел да се добие комфорно катче за живеење, кое ќе го содржи најдоброто од двата стила.
Низ целиот стан се провлекуваат и дрвените допири, кои го облагородуваат просторот и му даваат пријатна природна нота.
Дневниот престој, кујната и трпезаријата во облик на шанк сочинуваат една отворена целина со функционален распоред и компактност кога е естетиката во прашање.
Спалната соба, пак, е светла и смирена, а во целост се надоврзува на остатокот од уредувањето.
Беспрекорно уреден дом, зар не? Погледнете ги фотографиите и инспирирајте се од идеите кои ги нуди:
М. А. | Црнобело