Ѕирнете во гламурозниот дом на Ким Катрал: Како живее Саманта од „Сексот и градот“?

Детали

вторник, 28 март 2017

Ентериерот е олицетворение на луксуз, женственост и сексапил во нежни пудрасти нијанси, а во голема мера го отсликува карактерот на актерката, но и на ликот кој ја одбележа нејзината кариера.

Славната глумица Ким Катрал, најпрепознатлива по улогата на Саманта Џонс во хит-серијата „Сексот и градот“, ги отвори вратите на својот гламурозен стан во Њујорк.

Домот на Ким се наоѓа на познатата Петта авенија, а зад неговото уредување се потпишува дизајнерот Тони Инграо од студиото „Ingrao Inc.“, чијашто цел била да го оживее „стариот гламур на Холивуд“ во просторот.

Бил конципиран како стан што ќе биде доволно голем за забави со многу гости, а истовремено интимен и удобен за престој на една особа.

Раскошните текстури на ткаенините, златните детали и парчињата светол мебел ја сочинуваат основата на ентериерот. Арт деко стилот бил главната инспирација, а за преуредување на просторот се користеле материјали од повеќе страни на светот.

Мермерните подови се увезени од Иран, Индија и Северна Ирска, каминот за дневната соба е пронајден во Лондон, а поголемиот дел од осветлувањето е купено во Париз, од каде се земени и бројни парчиња мебел и антиквитети од пазарите за стари работи.

Во аголот на дневниот престој е сместен импозантниот клавир, за кој може да се каже дека е единственииот темен елемент во стан.

За спалната соба, пак, избрана е нежно розовата боја, во комбинација со старинскиот мебел со огледала.

Како ви изгледа вам?

• 
• 
• 
• 
• 
• 
• 
• 
• 
• 
• 
• 
•  

М. А. | Црнобело