Конкуренција на хотелите: Најлуксузните авионски кабини

Детали

четврток, 06 април 2017

Со лични батлери и неверојатно луксузни услуги, тешко е да знаете дали во некои авионски компании се возите со авион или пак, можеби сте во хотелска соба.

Ова се некои од најекстравагантните авионски „апартмани“ на небо:

1. „Singapore Airlines“

„Singapore Airlines“ е првата и единствена комерцијална авиокомпанија кој веднаш може бизнис просторот да ви го претвори во брачен кревет.

Услуги: Гурманско мени, голема листа на вина, 23-инчен  LCD екран

2. „Etihad Airways“

Почнувајќи од декември, „Etihad Airways“ ќе понудат „резиденција“, односно комплетно приватен простор со 3 соби: една спална, тоалет и дневна соба.

Услуги: 32-инчен рамен екран, бања со туш, постелнина од египетски памук, личен батлер

3. „Air France“

Чиста, убава и елегантна. Кабината „La Premiere“ на оваа авиокомпанија има приватен гардеробер и дебела завеса за поголема приватност.

Услуги: Ламба за читање, 24-инчен екран на допир, седиште кое лесно се трансформира во кревет

4. „Qantas Airlines“

Кабините за прва класа на „Qantas Airlines“ располагаат со футуристичко уредување и луксуз. Имаат ротирачки седишта, па во еден момент можете да седите исправени, а во друг момент да се свртите и да легнете во удобен кревет.

Услуги: Седишта од овча кожа, екран на допир со 1.000 опции за гледање, предмети за лична хигиена и памучни пижами

5. „All Nippon Airways“

Првата поголема и луксузна кабина на оваа авиокомпанија ги нуди организацијата и комфорот кои се типични за Јапонија. Плус сите работи кои ги носите со себе ви се на допир од рака.

Услуги: „Angel Float“ меки перници, интернационален сателитски телефон, маса за вечерање, слушалки против бучава и 23-инчен LCD телевизор

6. „Asiana Airlines“

Првокласните кабини со две врати на „Asiana Airlines“ имаат личен 32-инчен телевизор и мени со опции за западна, корејска, јапонска или кинеска храна.

Услуги: Личен мини бар, сателитски телефон, „Bvlgari“ козметика, осветлување според расположение

7. „Emirates“

„Emirates“ се првата авиокомпанија која креираше луксузни првокласни кабини со лизгачки врати и со тоа тие се лидерите во луксузно патување. Но, услугата е она што го прави возењето со нив навистина посебно. Добивате пространа кабина која се претвора во кревет со душек.

Услуги: Минибар, прилагодлива маса, осветлување, личен плакар, телевизор на допир и оброци според вашите барања.

Н. Г. | Црнобело