Рај за сетилата: Ѕирнете во новиот дом на Натали Портман (фото + видео)

Детали

четврток, 08 јуни 2017

Убавата оскаровска се почести со луксузна куќа, извишена на рид над Санта Барбара, а со прекрасен поглед на океанот.

Новиот дом на Натали Портман се наоѓа во населбата Монтесито, областа каде свои зданија имаат и бројни други славни личности, како Опра Винфри, Елен Деџенерис, Ал Гор и Роб Лоу.

Поголемиот дел од имотот е под шума, што го издвојува од сосеството, додека кон океанот се простираат базенот и прекрасно уредената градина, пружајќи единствен поглед на морското синило.

Самата куќа е модерна оаза со површина од  370 метри квадратни, а располага со 4 спални соби и 5 бањи. Изградена е во 2008-та година од челик, стакло и бетон, според замислата на архитектот Бартон Маерс.

Дневниот престој, кујната и трпезаријата се отворени кон градината со базен, па покрај јасниот поглед на океанот, се добива и уникатно искуство на живеење, каде надворешноста е целосно интегрирана со ентериерот.

Што се однесува до цената, претходниот сопственик ја продавал куќата за речиси 7 милиони долари, но глумицата успеала да се исценка, спуштајќи ја на „само“ 6.5 милиони долари.

Сепак, вреди за сите пари зар не? Погледнете го видеото и прошетајте низ секое катче од домот на Натали:

М. А. | Црнобело