Женствено мини царство: Стан по вкус на млада девојка (фото)

Детали

сабота, 24 јуни 2017

Со нежни пастелни бои, цветни тапети и мноштво стилски, а младешки декорации, овој прекрасно уреден дом зрачи со ведрина, сензуалност и романтично чувство во просторот.

Ирина Сазонова верува дека во секоја жена се крие едно мало девојче, кое на крајот од напорниот ден, кога ќе се врати во својот дом, сака да се одмори од возрасниот живот - да се релаксира на лулашка, или, пак, да црта со креда.

Во согласност со личните уверувања, но и барањата на клиентката, дизајнерката се обидела да ја оствари ваквата идеја во идејно решение за домување. Проектот е реализиран во станбен простор со површина од 43 метри квадратни, лоциран во Киев, Украина.

Со изобилството од бела боја, пастелните розови акценти, прекрасниот флорален тапет во спалната соба и романтичната столица – лулашка како детаљ, овој ентериер е место каде може засекогаш да останете млади и безгрижни.  

Вистинско мини царство за една млада девојка, зар не? Погледнете ги фотографиите и препуштете се на имагинацијата:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

 М. А. | Црнобело