Модерна кујна со дрвени елементи во индустриски стил

Детали

сабота, 05 август 2017

Доколку барате идеи за уредување на вашата кујна, оваа кујна од отворен тип во индустриски стил со остров на средината ќе ве инспирира.

Индустрискиот изглед на кујната е омекнат со природни материјали како дрвото, а највпечатлива точка се огромните прозорци од кои има прекрасен поглед и влегува многу дневна светлина.

Споеноста на кујната со трпезаријата и дневниот престој, како и со надворешноста, дозволува просторот да дише.

Белите ѕидови се во одличен контраст со сивите кујнски елементи, како и апаратите од нерѓосувачки челик.

Отворените дрвени полици се лесен начин за складирање на работите што ги користите секој ден, како садови и чаши, а керамичките додатоци, како кутијата за леб, му даваат винтиџ нота на целиот простор.

Силен печат во кујната остава и рачно изработениот лустер. Минималистички, но ефектен.

Инспирирајте се од следните фотографии:

• 
• 
• 
• 
• 
• 
• 
• 
• 
• 
• 
• 
• 
• 
• 
•  

С. С. | Црнобело