Идеи за летен декор: Претворете ја спалната соба во егзотична оаза

Детали

недела, 23 јули 2017

Мирис на лето, сончеви денови и одмор се моменти кои за жал кратко траат. Но, со помош на декорации инспирирани од морето, плажата и сонцето, ќе го задржите летниот амбиент во домот подолго.

Спалната соба е просторија во која сакаме да се опуштиме по напорниот ден. Ви предлагаме неколку идеи со кои вашата спална соба ќе ја претворите во тропска оаза:

Акцент на еден ѕид

Еден ѕид кој се разликува од сите други е совршена идеја за домот. Во овој случај, декорирајте го ѕидот со слики со летни мотиви или залепете тапет кој потсетува на морето.

Сино-бела палета на бои

Традиционалните нијанси на сина и бела боја се карактеристични за летото. Овие софистицирани бои даваат опуштен и релаксиран амбиент во просторот и се одличен избор за спалната соба.

Прекривки или тепих

Внесете „песочен“ амбиент во спалната соба со тоа што ќе ставите прекривки во беж боја од природен материјал или тепих во слична нијанса.

Декорирајте ја вратата

Добра идеја е на вратата од спалната соба да ставите некој украс, како на пример бротче или венец со школки. Уште пред да влезете во собата, ќе се почувствувате како да сте на море.

Природни и лелеави материјали

Лен и памук во нијанси на бела, крем, сина и тиркизна боја се одличен избор за летниот период, а можете да ги користите и во текот на целата година, ако додадете повеќе слоеви.

М. В. | Црнобело