Катче за младо семејство: Дом кој зрачи со љубов и позитивна енергија (фото)

Детали

среда, 02 август 2017

Постојат домови кои се толку ведри и привлечни, што посакувате никогаш да не ги напуштите. Овој преубаво „скоцкан“ простор е еден од нив.

Проектирањето животен простор за младо семејство е предизвик за повеќето дизајнери.

Домот кој ви го претставуваме во продолжение, пак, најдобар пример е за тоа како еден ентериер може да одговори на сите потреби на  брачна двојка со мали деца, а притоа функционалноста и естетиката да се во совршен баланс.

За жолтата боја е познато дека внесува оптимизам и позитивна енергија во буквално секоја просторија, а во овој ентериер, таа буди и прекрасно летно чувство во амбиентот. Жолтата е одличен колоритен акцент, посебно што основната шема на бои е монохроматска, сива и бела.

Покрај сончево жолтата нијанса, на атмосферата влијаат и геометриските форми (плочките, дезенот на перниците, графичкиот мебел) подеднакво. За топлината, пак, задолжени се дрвените елементи, почнувајќи од мебелот и подот, па сè до огревното дрво, кое е видливо складирано.

Станот се наоѓа во Полска, дело е на студиото „SHOKO.DESIGN“, а конципиран е на тема – модерно бохо.

Мноштво книги, цвеќиња и комфор - сè е уредено со многу љубов и душа, а насмевките на станарите и го потврдуваат тоа:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело